देवेंद्र फडणवीस आरोग्य दूत रुग्णवाहिकेला मानोरा तालुक्यातील मान्यवरांनी दाखवली हिरवी झंडी
राज्याचे उपमुख्यमंत्री ना. देवेंद्र फडणवीस यांच्या वाढदिवसानिमित्त दी.२२ जुलै रोजी जन्मदिवसाचे औचित्य साधून शहर आणि तालुक्यातील गरजू रुग्णांच्या सेवेत सर्व सोयींनी युक्त २४ तास सेवेत राहणारी रुग्णवाहिकेचे लोकार्पण मान्यवरांच्या उपस्थितीत सामान्य रुग्णालय मानोरा येथे सकाळी ११ वाजता जनसमुदायाच्या साक्षीने पार पडले
समाजभान जोपासणारे तीर्थक्षेत्र कोंडोलीचे मूळ निवासी आणि
उपमुख्यमंत्री कार्यालय मुंबई येथे अवर सचिव या पदावर कार्यरत असलेले अमोल पाटणकर यांनी मानोरा शहर आणि तालुक्यातील नागरिकांच्या सेवेत एक रुग्णवाहिका असावी यासाठी मोठे प्रयत्न केले. पाटणकर यांच्या प्रयत्नांना अखेर यश येऊन शहर आणि तालुक्यातील नागरिकांना वेळेवर जिल्हा अथवा महानगरांमध्ये पोहोचून आपले अमूल्य जीव वाचविता यावे यासाठी ही रुग्णवाहिका उपलब्ध करून देण्यात आली आहे. यावेळी कार्यक्रमाला अरुणावती बहुउद्देशीय संस्था च्या अध्यक्षा नंदाताई पाटणकर,बाबुराव पाटणकर,सचिव संदेश बाबुराव पाटणकर, माजी सरपंच देवराव पाटणकर,भाजपा तालुका अध्यक्ष ठाकुरशिंग चव्हाण, मानोरा ग्रामीण रुग्णालय चे वैधकीय अधीक्षक
डॉ. एन. पी. नांदे,भाजपा चे सर्व पदाधिकारी यांची मोठया संख्येने उपस्थिती होती
शासनाकडून उपलब्ध असलेली रुग्णवाहिका आपत्कालीन परिस्थितीमध्ये उपलब्ध होऊ शकत नसल्याने अपघात ग्रस्त,गंभीर आजारी, श्वान,सर्पदंश, वन्य प्राण्यांचा हल्ला इत्यादी झालेले रुग्णांना अव्वाच्या सव्वा दराने कुठल्याही वैद्यकीय सोयी नसलेल्या खाजगी वाहनांद्वारे जीव धोक्यात घालून जिल्हा ठिकाणी जावे लागते.ज्यामध्ये बरीच आर्थिक हानी सुद्धा तालुक्यातील नागरिकांना मागील अनेक वर्षांपासून सोसावी लागलेली आहे. उपरोक्त सर्व बाबींचा सारासार विचार करून अरुणावती बहुउद्देशीय संस्था, कोंडोली तथा वीर सावरकर सामाजिक प्रतिष्ठान मानोरा यांच्या संयुक्त प्रयत्नाने नागरिकांचा जीव वाचविणारा देवेंद्र फडणवीस आरोग्य दूत रुग्णांच्या सेवेत आजपासून दाखल झाले आहे. मानोरा तालुक्यातील नागरिकांना याचा मोठा फायदा होणार आहे.देवेंद्र फडणवीस आरोग्य दूत रुग्णवाहिका जीवनदायी ठरेल
0 Comments