"हे फक्त निवेदन नाही, हा लढ्याचा सुरूवातीचा शंखनाद आहे!" सुभाषरावजी ठाकरे यांचा थरारक इशारा

🛑 संघर्ष समितीचा एल्गार!
ओला दुष्काळ जाहीर करा — माजी राज्यमंत्री सुभाषराव ठाकरे व माजी जि.प. अध्यक्ष चंद्रकांत ठाकरे यांच्या नेतृत्वात मंगरूळपीर तहसीलवर धडक, शासनाला आक्रमक इशारा!

मंगरूळपीर, १८ सप्टेंबर (सुधाकर चौधरी):
संपूर्ण वाशिम जिल्ह्याला पोखरणाऱ्या सततच्या अतिवृष्टीमुळे शेतकरी अक्षरशः उध्वस्त झाला आहे. शेती, संसार, आणि संपूर्ण भविष्य डोळ्यांसमोर वाहून गेलंय. या संकटाच्या पार्श्वभूमीवर संघर्ष समितीच्या वतीने, माजी राज्यमंत्री सुभाषराव ठाकरे व माजी जिल्हा परिषद अध्यक्ष चंद्रकांतदादा ठाकरे यांच्या नेतृत्वात आज मंगरूळपीर येथील उपविभागीय अधिकाऱ्यांना ठणकावत “ओला दुष्काळ जाहीर करा!” अशी मागणी करणारे निवेदन सादर करण्यात आले.

🌧️ जिल्ह्याला थैमान, पण सरकारला भान नाही!

• IMD पुणेच्या अहवालानुसार जिल्ह्यात आतापर्यंत ८३८ मिमी पाऊस झाला असून, ही पावसाची मात्रा सरासरीहून ११३ मिमीने अधिक आहे.
• नदी, ओढे तुडुंब भरले, शेकडो एकर शेती पूर्णतः पाण्याखाली गेली.
• शेतकऱ्यांच्या जिवाभावाची पीकं — सोयाबीन, कपाशी, तूर, मूग, उडीद यांचे १००% नुकसान.
• तरीही शासन गप्प, पंचनामे अपुरे, मदत नाही, कर्जमाफी नाही!

✊ संघर्ष समितीचा निर्धार: "हा लढा शेवटपर्यंत जाईल!"

“शेतकऱ्याच्या डोळ्यांत अश्रू आहेत, शेतं वाहून गेलीयत… पण सरकारला जागच नाही!
जर त्वरित निर्णय न घेतला, तर रस्ते जाम, तहसील बंद, आणि जनआंदोलन उभं राहील!”
— सुभाषराव ठाकरे, माजी राज्यमंत्री

“शासनाच्या ढिसाळ कारभारामुळे शेतकऱ्यांचे होरपळून आयुष्य गेले, आता जर हे दु:खही दुर्लक्षित केलं, तर संघर्ष समिती थांबणार नाही.”
— चंद्रकांतदादा ठाकरे, माजी जिल्हा परिषद अध्यक्ष

🛑 संघर्ष समितीच्या प्रमुख मागण्या:

1. वाशिम जिल्हा तात्काळ 'ओला दुष्काळग्रस्त' जाहीर करावा
2. शेतकऱ्यांच्या सर्व प्रकारच्या कर्जाची पूर्णपणे माफी करावी
3. प्रति एकर नुकसानभरपाई त्वरित जाहीर करून थेट खात्यात जमा करावी
4. पिकांचे जलद पंचनामे व नुकसान अहवाल तयार करून योग्य मदत वाटप करावे
5. विशेष निधी जाहीर करून जिल्ह्यात पुनर्बांधणीचे काम हाती घ्यावे
6. मोर्चाचे ठिकाण आणि स्वरूप:

मोर्चाची सुरुवात कृषी उत्पन्न बाजार समिती, मंगरूळपीर येथून सकाळी ११ वाजता झाली.
मोठ्या संख्येने उपस्थित असलेल्या हजारो शेतकऱ्यांनी तहसील कार्यालयावर जोरदार निदर्शने करत प्रशासनाला जागं केलं. संतप्त घोषणांनी परिसर दणाणून गेला.

🛑 सरकार गप्प बसली, तर संघर्ष समिती आक्रमक होणार!

हा मोर्चा निव्वळ निवेदन देण्यासाठी नव्हता, तर हा आंदोलनाचा पहिला टप्पा होता.
जर शासनाने तातडीने निर्णय घेतला नाही, तर पुढील टप्प्यात तहसील बंद, जिल्हा बंद आणि राज्यव्यापी आंदोलनाची तयारी असल्याचा इशारा संघर्ष समितीने दिला आहे.

👥 प्रमुख उपस्थिती:

• सुभाषराव ठाकरे – माजी राज्यमंत्री, आंदोलनाचे नेतृत्व
• चंद्रकांतदादा ठाकरे – माजी जिल्हा परिषद अध्यक्ष, संघर्ष समितीचे प्रमुख
• संघर्ष समितीचे पदाधिकारी
• तालुक्यातील हजारो शेतकरी बांधव
• ⚠️ आता सरकारने ठोस पाऊल उचलावं, अन्यथा शेतकऱ्यांचा उद्रेक अटळ!

शासनाच्या उदासीनतेमुळे पेटलेल्या शेतकऱ्यांचा आवाज आता थांबणार नाही. संघर्ष समिती सज्ज आहे, नेतृत्व स्पष्ट आहे आणि मागण्या योग्य आहेत.

"शासनाने आम्हाला नजरेआड केलं, तर आम्ही शासनाला झोपेतून उठवू!" — संघर्ष समिती