वाशिम तालुक्यातील सुपखेला येथे स्थित यशवंतराव चव्हाण सैनिक शाळेत २१ जून रोजी आंतरराष्ट्रीय योग दिन अत्यंत प्रेरणादायी आणि उत्साहपूर्ण वातावरणात साजरा करण्यात आला.
कार्यक्रमाच्या अध्यक्षस्थानी शाळेचे प्राचार्य एम. एस. भोयर होते. प्रमुख उपस्थिती उपप्राचार्य एस. बी. चव्हाण आणि शाळेचे योगाचार्य रवींद्र सरनाईक यांची होती. कार्यक्रमाची सुरुवात सरस्वती पूजनाने करण्यात आली. यानंतर मंचावरील मान्यवरांचे पुष्पगुच्छ देऊन स्वागत करण्यात आले.
🧘♀️ योग हे जीवनाचे विज्ञान – योगाचार्य सरनाईक यांचे मार्गदर्शन
योगाचार्य रवींद्र सरनाईक यांनी आपल्या मार्गदर्शनात सांगितले की, ‘‘आजच्या धकाधकीच्या जीवनात मन आणि शरीर दोघांचेही आरोग्य राखणे आवश्यक आहे. प्राचीन भारतीय परंपरेतील योग हे आजच्या काळातही तितकेच महत्त्वाचे ठरत आहे. दररोज फक्त ३० मिनिटे योगासने केल्यास अनेक आरोग्य समस्या टाळता येतात.’’
त्यांनी यावर्षीच्या ‘एक पृथ्वी, एक आरोग्य’ या थीमचा उल्लेख करत सांगितले की, ‘‘आपण सर्वांनी मिळून योग दिन साजरा करत आरोग्य जागरूकतेचा संदेश दिला आहे.’’
🧠 योग म्हणजे मन, शरीर आणि आत्म्याचा समन्वय – प्राचार्य भोयर
अध्यक्षीय भाषणात प्राचार्य एम. एस. भोयर यांनी सांगितले की, ‘‘योग हा केवळ शारीरिक व्यायाम नसून, तो शरीर, मन आणि आत्म्याचा समन्वय साधणारा मार्ग आहे. नियमित योगामुळे उच्च रक्तदाब, मधुमेह, पचनतंत्र, वजन नियंत्रण, पाठदुखी, संधिवात, तसेच मानसिक तणावावर नियंत्रण ठेवता येते. योगामुळे एकाग्रता वाढते आणि चिंतामुक्त जीवनशैलीला चालना मिळते.’’
🧘♂️ प्रात्यक्षिकांनी कार्यक्रमाला समृद्धता
योगाचार्य सरनाईक यांनी विद्यार्थ्यांसमवेत विविध योगासने आणि प्राणायामांचे प्रात्यक्षिक सादर करून उपस्थितांना प्रत्यक्ष अनुभव दिला. शिक्षक आणि शिक्षकेतर कर्मचाऱ्यांनी यास भरभरून प्रतिसाद दिला.
🎤 कार्यक्रमाचे सुरळीत सूत्रसंचालन
ज्येष्ठ शिक्षक परमेश्वर व्ही. पवळ यांनी कार्यक्रमाचे उत्कृष्ट सूत्रसंचालन केले, तर आभार प्रदर्शन प्रसिद्ध फोटोग्राफर के. व्ही. बोबडे यांनी केले.
📸 संपूर्ण कार्यक्रमाची माहिती प्रसिद्धी विभाग प्रमुख रमेश रावसिंग पडवाळ यांनी दिली.
योग दिनाच्या निमित्ताने यशवंतराव चव्हाण सैनिक शाळेतील उपक्रम हा आरोग्यप्रेरणादायी ठरला असून, विद्यार्थ्यांमध्ये आरोग्याविषयी जागरूकता निर्माण करणारा एक अनुकरणीय उपक्रम ठरला आहे.
0 Comments