बेपत्ता असलेल्या अकोल्यातील दोन मुलींचा शोध लावण्यात सिव्हिल लाइन पोलिसांना यश

अकोला: मागील पाच दिवसांपासून बेपत्ता असलेल्या अकोल्यातील पंचशील नगर परिसरातील दोन मुलींचा शोध लावण्यात सिव्हिल लाइन पोलिसांना यश आले आहे. कोणीही अपहरण केले नव्हते, स्वत: घरातून गेल्याचे त्यांनी बाल कल्याण समिती समोर मान्य केले आहे. दरम्यान, शिकवणीसाठी गेलेल्या आठवी आणि सातव्या वर्गातील दोन मुली अचानक बेपत्ता झाले होते. परंतु, बेपत्ता मुलींची तक्रार दाखल करूनही पोलिस हे प्रकरण गंभीर्याने घेत नसल्याचा आरोप बेपत्ता अल्पवयीन मुलीच्या बहिणीने केला होता. यानंतर लागलीच स्थानिक परिसरातील युवकांच्या मदतीच्या आधारे 'त्या' मुलींचा शोध घेण्यात या पोलिसांना यश आले आहे..

काय होता नेमका प्रकार

अकोला शहरातील खरप रोडवरील पंचशील नगरातील दोन अल्पवयीन मुली गेल्या १५ दिवसांपासून याच परिसरातील एका शिकवणी वर्गासाठी जात होत्या. २८ फेब्रुवारी रोजी दोन्ही मुली या संध्याकाळी सहा वाजताच्या सुमारास शिकवणीकरीता घरून गेल्या. 'त्या' नेहमीप्रमाणे आठ वाजता घरी येणे अपेक्षित होते. मात्र, दोघीही घरी न आल्याने आईवडिलांची चिंता वाढली. त्यांनी शिकवणी वर्गामध्ये जावून चौकशी केली असता तुमच्या मुली वर्ग संपल्यानंतर घरी गेल्याचे शिक्षकांनी सांगितले. त्यांनतर नातेवाईकांनी एकमेकांच्या घरी त्यांचा शोध घेतला. मात्र, त्या दिसून आल्या नाहीत. एका मुलीकडे मोबाइल नंबरही आहे. त्या मोबाइलवर संपर्क केला असता संपर्क होत नव्हता. यातील एका मुलीच वय १३ तर दुसऱ्या मुलीच वय १२ वर्षे आहे. कोणत्यातरी अज्ञात व्यक्तीने आपल्या मुलींना फूस लावून पळवून नेले, असा संशय पालकांनी व्यक्त केला. या तक्रारीवरून अकोला शहरातील सिव्हील लाइन्स पोलिसांनी अज्ञात आरोपीविरुद्ध ३६३ नुसार गुन्हा दाखल केला होता. या प्रकरणाबद्दल' पोलीस गंभीर नसल्याचा झाला होता आरोप...

या प्रकरणातील १३ वर्षीय बेपत्ता असलेल्या मुलीला आई नाही. तर वडील दुसऱ्या पत्नीकडे राहतात. तर तिला मोठी बहिण असून तीही अल्पवयीन आहे. गेल्या वर्षभरापासून दोन्ही बहिणी एकत्र राहत असून तिचे वडील मात्र, रात्रीच घरी झोपायला घरी येत असतात. सद्यस्थित वडिलांनी मुलगी बेपत्ता असल्याची तक्रार पोलीस ठाण्यात दिली. दरम्यान, बेपत्ता मुलीची मोठी बहिण मागील काही दिवसांपासून पोलीस ठाण्याचा चकरा मारत होती. परंतू, पोलिसांच्या कार्यपद्धतीमुळे तिच्या हाती केवळ निराशा आली. पोलिस आमचं प्रकरण गंभीर्याने घेत नाही, असा आरोप तिने केला होता. असा लागला तपास...

या प्रकरणांबद्दल' पोलीस गंभीर नसल्याचं पाहुन पंचशील नगरातील स्थानिक युवकांनी पाठपुरवठा केला. आणि मुलींना फूस लावून पळवून नेलेल्या युवक जेथे काम करतात तेथील मालकाची या संदर्भात विचारणा केली. त्यांच्याकडून बेपत्ता असलेले सर्व जण 'नांदेड जिल्ह्यात' असल्याच समोर आले. अशा माहितीच्या आधारे 'त्या' मुलींचा शोध घेण्यात पोलिसांना यश आले आहे. अज्ञात व्यक्तीने फुस लावून पळून नेल्याचा संशय

सद्यस्थित दोन्ही मुलींचे वैद्यकीय तपासणी केली असता त्यामध्ये कुठलेही अनुचित आढळून आले नाही. दरम्यांन, अज्ञात व्यक्तीविरुद्ध काहीतरी फूस लावून अज्ञात कारणासाठी पळवून नेले असल्याचा संशय चाइल्ड लाइन आणि पोलिसांना आहे. तसेच सोमवारी तिचा जबाब नोंदवण्यात येणार असून 'त्या' आधारावर पोलिस पुढील तपास करणार आहेत.