वर्ल्ड स्पीड न्यूज वाशिम खबर आवाज महाराष्ट्राचा
भाजपच्या महिला प्रदेशाध्यक्षा चित्रा वाघ यांच्या ट्विटमुळे रत्नागिरीकर आक्रमक झाले आहेत. चित्रा वाघ यांनी माफी मागावी अशी मागणी करण्यात येत आहे.
रत्नागिरी, 29 नोव्हेंबर : भाजपच्या महिला प्रदेशाध्यक्षा चित्रा वाघ यांच्या ट्विटमुळे रत्नागिरीकर आक्रमक झाले आहेत. भाजपा प्रदेशाध्यक्ष चंद्रशेखर बावनकुळे आणि भाजप महिला मोर्चाच्या प्रदेशाध्यक्षा चित्रा वाघ यांनी 25 नोव्हेंबर रोजी रत्नागिरी दौरा केला होता . आपल्या या रत्नागिरी दौऱ्यात त्यांनी शहरातील प्रसिद्ध पतित पावन मंदिराला भेट दिली. यानंतर चित्रा वाघ यांनी एक ट्विट केलं होतं, या ट्विटमुळेच चित्रा वाघ आता अडचणीत सापडल्या आहेत. त्यांच्याविरोधात रत्नागिरीकर आक्रमक झाले आहेत.
काय आहे नेमका वाद?
त्यांनी आपल्या रत्नागिरी दौऱ्यात शहरातील प्रसिद्ध पतित पावन मंदिराला भेट दिली. या भेटीनंतर चित्रा वाघ यांनी एक ट्विट केलं होतं. श्रीमान भागोजीशेठ कीर यांनी बांधलेल्या या पतित पावन मंदिराचा उल्लेख करण्याऐवजी त्यांनी आपल्या ट्विटमध्ये स्वातंत्र्यवीर सावरकर यांनी बांधलेल्या पतितपावन मंदिरात जावून पूजा केली असा उल्लेख केला होता. यावरून रत्नागिरीकरांनी नाराजी व्यक्त केली आहे.
0 Comments