कोटपा कायदा : मालेगाव येथे २० टपऱ्यांवर कारवाई ४००० रुपयांचा दंड वसूल

वाशिम,दि.७  राष्ट्रीय तंबाखू नियंत्रण कार्यक्रम जिल्हा सामान्य रुग्णालय वाशिम ,ग्रामीण रुग्णालय मालेगाव ,पोलीस स्टेशन मालेगाव यांच्या संयुक्त विद्यमाने जिल्हा शल्य चिकित्सक डॉ. विजय काळबांडे व मालेगाव पोलीस स्टेशनचे पोलीस निरीक्षक दत्तात्रय अव्हाळे यांच्या 

मार्गदर्शनाखाली मालेगाव शहरातील कोटपा २००३ कलम (६ अ ) १८ वर्षाखालील व्यक्तींना तंबाखू व तंबाखू जन्य पदार्थ विकणे, कलम (६ ब) शैक्षणिक संस्थांच्या १०० यार्ड परिसरात तंबाखू व तंबाखू जन्य पदार्थ विकणे या अंतर्गत मालेगाव शहरातील नाना मुंदडा हायस्कूल , बस स्थानक मालेगाव , मालेगाव बाजार या परिसरातील २० पानटपरी धारकांवर दंडात्मक कारवाई करून ४ हजार रुपये दंड वसूल करण्यात आला.

   

  

राष्ट्रीय तंबाखू नियंत्रण कक्षाचे जिल्हा सल्लागार डॉ.आदित्य पांढारकर, मानसशास्त्रज्ञ राम सरकटे ,सामाजिक कार्यकर्ते रामकृष्ण धाडवे ,ग्रामीण रुग्णालय मालेगावचे समुपेशक प्रवीण गोरे , पोलीस विभागाचे पो. काँ.विनोद चूंभळकर, पो.काँ.मनोहर वानखडे यांचे या कारवाईसाठी सहकार्य मिळाले.