स्वर्गीय कोकिळाबाई ठाकरे यांच्या पुण्यतिथी निमित्त भव्य रक्तदान शिबिर

स्वर्गीय सौ कोकिळाबाई सुभाषराव ठाकरे यांच्या पुण्यतिथी निमित्त बुधवार दिनांक २० सप्टेंबर  रोजी यशवंतराव चव्हाण महाविद्यालयाच्या प्राणीशास्त्र विभागाने रक्तगट तपासणी शिबिर आयोजित केले होते. या कार्यक्रम प्रसंगी रक्तगट तपासणीसाठी मंगळूरपीर येथील परिवार पॅथॉलॉजी लॅब व मातोश्री पॅथॉलॉजी लॅब येथील तंत्रज्ञ उपस्थित होते. या कार्यक्रमाचे उद्घाटन महाविद्यालयाचे प्राचार्य प्रा. डॉ. सूर्यकांत कान्हेरकर यांच्या हस्ते झाले. 

सदर कार्यक्रमासाठी ७३ विद्यार्थिनी व ३३ विद्यार्थी असे एकूण १०६ विद्यार्थ्यांनी त्यांचा रक्तगट तपासून घेतला. या प्रसंगी रक्तगट तपासणीचे महत्त्व विद्यार्थ्यांना समजावून सांगितले. कार्यक्रम यशस्वी करण्यासाठी प्राणीशास्त्र विभाग प्रमुख प्रा. डॉ मिलिंद कुलकर्णी, प्रा. डॉ. अनंत शिंदे, सहाय्यक प्रा. विकास भांड व प्रयोगशाळा परिचर रवी राठोड यांनी काम पाहिले. तसेच तृतीय वर्ष विज्ञान चे विद्यार्थी निखिल सावके, अभिषेक टोंचर, यश गावंडे, आरती चौधरी, उत्कर्षा कदम, निकिता पवार, साक्षी लाहे, श्रेया येखंडे यांनी स्वयंसेवक म्हणून काम पाहिले. त्याचप्रमाणे प्रथम व द्वितीय वर्षाचे विद्यार्थी देखील या कार्यक्रमास उपस्थित होते.