मंगरूळपीर येथील यशवंतराव चव्हाण कला व विज्ञान महाविद्यालयाचे प्रा. डॉ. मिलिंद कुलकर्णी यांची प्राध्यापकपदी निवड झाल्याबद्दल त्यांचा सत्कार करण्यात आला.
मंगरूळपीर येथील यशवंतराव चव्हाण कला व विज्ञान महाविद्यालयातील प्रा. डॉ. मिलिंद कुलकर्णी यांची प्राध्यापकपदी निवड झाल्याबद्दल शैक्षणिक, सामाजिक व सहकारी वर्गातून त्यांच्यावर अभिनंदनाचा वर्षाव होत आहे. कमिटीच्या माध्यमातून ही पदोन्नती करण्यात येत असून, ही निवड शिक्षकांसाठी एक मोठा सन्मान व बहुमान मानला जात आहे.
प्रा. डॉ. मिलिंद कुलकर्णी यांनी आपल्या शैक्षणिक कारकिर्दीत अध्यापन, संशोधन व विद्यार्थ्यांच्या सर्वांगीण विकासासाठी सातत्याने मोलाचे योगदान दिले आहे. त्यांच्या प्रामाणिक कार्यपद्धतीमुळे, शिस्तप्रिय स्वभावामुळे आणि विषयावरील सखोल अभ्यासामुळे ते विद्यार्थी व सहकाऱ्यांमध्ये लोकप्रिय आहेत.
या निवडीबद्दल मिळालेल्या शुभेच्छांबाबत भावना व्यक्त करताना प्रा. डॉ. कुलकर्णी म्हणाले की, “माझ्या प्राध्यापकपदी निवडीबद्दल शुभेच्छा देण्यासाठी सर्वांनी दिलेला वेळ, व्यक्त केलेला स्नेह आणि शब्दांतून उमटलेली आपुलकी माझ्यासाठी अत्यंत मौल्यवान आहे. या शुभेच्छा मला पुढील वाटचालीसाठी सकारात्मक ऊर्जा व नवी प्रेरणा देतील.”
तसेच, “माझ्याबद्दल व्यक्त केलेला तुमचा विश्वास नेहमीच मला बळ देणारा आहे. अशीच प्रेमाची, आशीर्वादाची व आपुलकीची साथ भविष्यातही लाभो,” अशी कृतज्ञताही त्यांनी व्यक्त केली.
प्रा. डॉ. मिलिंद कुलकर्णी यांच्या या निवडीमुळे महाविद्यालयाच्या शैक्षणिक गुणवत्तेत आणखी भर पडेल, असा विश्वास व्यक्त होत असून सर्व स्तरातून त्यांना पुढील वाटचालीसाठी शुभेच्छा दिल्या जात आहेत.
0 Comments