देशभरातील पत्रकार, अँकर, डिजिटल क्रिएटर्सचा राष्ट्रीय संगम; मीडियाला मिळणार आध्यात्मिक आणि मूल्यनिष्ठ दिशा
आबू रोड (राजस्थान) : प्रतिनिधी
माहितीपुरते मर्यादित न राहता समाजाच्या अंतर्मनात सकारात्मक परिवर्तन घडविण्याची भूमिका सक्षमपणे पार पाडणाऱ्या माध्यमांच्या बळकटीसाठी ब्रह्माकुमारीज यांच्या वतीने “राष्ट्रीय मीडिया महासम्मेलन-2026” चे आयोजन ९ ते १३ सप्टेंबरदरम्यान करण्यात आले आहे. हे महासम्मेलन ब्रह्माकुमारीज मुख्यालय, मानसरोवर परिसर, आबू रोड येथे पार पडणार असून “श्रेष्ठ विश्वनिर्मितीसाठी सशक्त मीडिया” ही मुख्य संकल्पना यामागे आहे.
देशभरातील पत्रकार, संपादक, न्यूज अँकर, डिजिटल मीडिया तज्ज्ञ, युट्यूबर्स, सोशल मीडिया कंटेंट क्रिएटर्स तसेच जनसंपर्क क्षेत्रातील मान्यवर या पाच दिवसीय महासम्मेलनात सहभागी होणार आहेत. त्यामुळे हे व्यासपीठ राष्ट्रीय पातळीवरील मीडियाचा एक महत्त्वपूर्ण संगम ठरणार आहे.
आयोजकांच्या मते, मीडिया ही समाजाला दिशा देणारी प्रभावी शक्ती असून तिच्या माध्यमातून विचार, मूल्ये आणि जीवनदृष्टी घडविली जाते. माध्यमांनी आध्यात्मिकता, नैतिकता, सत्यता आणि संतुलित दृष्टिकोन स्वीकारल्यास समाजात सकारात्मक आणि दीर्घकालीन परिवर्तन घडू शकते. या उद्देशाने या महासम्मेलनाचे आयोजन करण्यात आले आहे.
विशेष सत्रांचा समावेश
महासम्मेलनात राजयोग ध्यान, व्यक्तिमत्व विकास, तणावरहित जीवनशैली, सकारात्मक पत्रकारिता, डिजिटल युगातील माध्यमांची भूमिका, कृत्रिम बुद्धिमत्ता (AI) व मीडिया, जागतिक एकता, संवादकौशल्य आणि नेतृत्व विकास यांसारख्या विषयांवर मार्गदर्शन होणार आहे.
दररोज सकाळी राजयोग ध्यान, शारीरिक व्यायाम, चिंतन सत्र, परिसंवाद, पॅनेल चर्चा तसेच सांस्कृतिक कार्यक्रमांचे आयोजन करण्यात आले आहे. मूल्यनिष्ठ पत्रकारिता आणि सेवाभावी मीडिया संस्कार यावर विशेष भर दिला जाणार आहे.
कार्यक्रमाची रूपरेषा
१० सप्टेंबर रोजी उद्घाटन सत्रात “श्रेष्ठ विश्वनिर्मितीसाठी सशक्त मीडिया” या विषयावर मार्गदर्शन होईल.
११ सप्टेंबर रोजी “वन-टू-वन वार्ता” मालिकेत AI आणि मीडिया, मानवतेची आकाशगंगा आणि उत्तरदायी सोशल मीडिया या विषयांवर चर्चा होणार आहे.
१२ सप्टेंबर रोजी सहभागींसाठी माउंट आबू दर्शन व आध्यात्मिक अनुभव सत्राचे आयोजन करण्यात आले आहे.
समारोप सत्रात “शांतीच्या युगाकडे सेवारूप मीडिया” हा विशेष संदेश दिला जाणार आहे.
मीडियाला आध्यात्मिक स्पर्श
हे महासम्मेलन केवळ व्यावसायिक प्रशिक्षणापुरते मर्यादित नसून पत्रकारांच्या आत्मिक उन्नतीसाठी, अंतःशक्ती जागरणासाठी आणि सकारात्मक दृष्टीकोन विकसित करण्यासाठी महत्त्वपूर्ण ठरणार आहे. तणावरहित, निष्पक्ष आणि जनहितकारी पत्रकारिता घडविण्यासाठी हा उपक्रम मार्गदर्शक ठरेल, असा विश्वास व्यक्त करण्यात येत आहे.
नोंदणी विनामूल्य
या महासम्मेलनासाठी इच्छुकांनी आपल्या जवळच्या ब्रह्माकुमारीज सेवाकेंद्रामार्फत ऑनलाईन नोंदणी करावी. नोंदणी पूर्णपणे विनामूल्य असून पूर्वनोंदणी अनिवार्य आहे. सहभागींसाठी निवास व भोजनाची व्यवस्था ब्रह्माकुमारीज तर्फे निशुल्क करण्यात येणार आहे. मात्र प्रवास खर्च सहभागीनी स्वतः करावयाचा आहे.
सहभागाचे आवाहन
पत्रकार, मीडिया विद्यार्थी, फ्रीलान्सर, ब्लॉगर, युट्यूबर्स, सोशल मीडिया इन्फ्लुएंसर्स तसेच जनसंचार क्षेत्राशी संबंधित सर्वांनी या राष्ट्रीय महासम्मेलनात सहभागी होऊन सकारात्मक समाजनिर्मितीत आपले योगदान द्यावे, असे आवाहन करण्यात आले आहे.
✍️ संपर्क :
डॉ. सोमनाथ वडनेरे
राज्य संयोजक, ब्रह्माकुमारीज मीडिया प्रभाग, माऊंट आबू
मो. ९८५०६९३७०५
वेबसाइट : www.bkmahamedia.com
✨ मूल्यनिष्ठ, सकारात्मक आणि सशक्त मीडिया घडविण्याच्या दिशेने उचललेले हे पाऊल समाजपरिवर्तनासाठी निर्णायक ठरणार आहे.
0 Comments