पुरुषोत्तम भाऊ चितलांगे यांची वाशिम भाजप जिल्हाध्यक्षपदी नियुक्ती – निष्ठा, कार्यकौशल्य आणि नेतृत्वाला मिळालेला सन्मान

वाशिम, 

भारतीय जनता पार्टी वाशिम जिल्हा अध्यक्षपदाची धुरा आता निष्ठावान, अभ्यासू आणि कृतिशील नेतृत्व म्हणून परिचित असलेल्या पुरुषोत्तम भाऊ चितलांगे यांच्या हाती सोपवण्यात आली आहे. पक्षश्रेष्ठींच्या या निर्णयामुळे संपूर्ण जिल्ह्यात एक प्रकारचे उत्साहाचं आणि प्रेरणादायी वातावरण निर्माण झालं आहे.

पुरुषोत्तम भाऊ चितलांगे हे गेली अनेक दशके पक्षाच्या कार्यपद्धतीत सक्रिय सहभागी असून त्यांनी तळागाळातील कार्यकर्त्यांशी सातत्यानं संवाद साधत भाजपची नाळ समाजाशी जोडली आहे. संघटनात्मक बांधिलकी, सामाजिक प्रश्नांवरील तळमळ, आणि कोणतीही पद न भूषवता अखंडपणे केलेली सेवा यामुळे पक्षात आणि समाजातही त्यांची वेगळी ओळख निर्माण झाली आहे.

राजकारण नव्हे, कार्य संस्कृतीचं प्रतीक

चितलांगे भाऊंच्या कार्यशैलीत एक विशेष असा गुण आहे—ते पदासाठी नव्हे, तर पक्षासाठी आणि समाजासाठी काम करत आले आहेत. भाजपच्या 'पार्टी विथ डिफरन्स' या तत्त्वाला ते खर्‍या अर्थाने न्याय देतात. त्यांनी मतभेदांपेक्षा संवादाला, संघर्षांपेक्षा समन्वयाला आणि प्रसिद्धीपेक्षा परिणामकारकतेला अधिक महत्त्व दिलं आहे.

कार्यकर्त्यांचा नेता – नेत्यांचा विश्वासू

कार्यकर्त्यांशी असलेलं त्यांचं सखोल नातं आणि वरिष्ठ नेत्यांशी असलेला दृढ विश्वास हा त्याच्या नेतृत्वाचा गाभा ठरतो. जिल्ह्यातील अनेक सामाजिक उपक्रम, आरोग्य शिबिरे, ग्रामविकास मोहिमा, शैक्षणिक मदतीचे उपक्रम त्यांनी स्वतः पुढाकार घेऊन राबवले. त्यामुळे वाशिम जिल्ह्यात पक्षाचे जाळे मजबूत होत गेले.

नव्या जबाबदारीसह नवे संकल्प

जिल्हाध्यक्षपदाची सूत्रे स्वीकारल्यानंतर चितलांगे भाऊंनी स्पष्टपणे सांगितले की, "ही केवळ जबाबदारी नव्हे, तर संधी आहे – वाशिम जिल्ह्याच्या प्रगतीसाठी आणि भाजपच्या मूलभूत विचारसरणीचा अधिकाधिक प्रसार करण्यासाठी." त्यांनी युवा कार्यकर्त्यांना अधिक संधी देण्याचा निर्धारही व्यक्त केला.

राजकीय वर्तुळातून शुभेच्छांचा वर्षाव

त्यांच्या निवडीनंतर राजकीय, सामाजिक आणि व्यावसायिक वर्तुळातून त्यांच्यावर शुभेच्छांचा वर्षाव होत आहे. अनेक कार्यकर्ते, पदाधिकारी, व्यापारी संघटना, सामाजिक संस्था यांनी त्यांना भेटून शुभेच्छा दिल्या आहेत. जिल्ह्यात ठिकठिकाणी अभिनंदन सोहळ्यांचं आयोजन केलं जात आहे.