नागरिकांच्या तक्रारी दारात; प्रशासन बेफिकीर... माजी नगरसेवकांचा थेट इशारा – "आता रस्त्यावर उतरतो!"
मंगरुळपीर, ता. ६
शहरातला नगरपरिषदेचा कारभार अक्षरशः रामभरोसे सुरू आहे. ना ठोस मुख्याधिकारी, ना ठोस कारवाई, आणि नागरिकांच्या प्रश्नांकडे पाहायला वेळ कुणालाच नाही! याच पार्श्वभूमीवर माजी नगरसेवक सौ. रेखाताई अनिल गावंडे व अनिल विठ्ठलराव गावंडे यांनी जिल्हाधिकाऱ्यांना निवेदन देऊन येत्या १५ ऑगस्टपासून गांधीगिरी पद्धतीने आंदोलन छेडण्याचा इशारा दिला आहे.
"दोन वर्षांपासून मंगरुळपीर नगरपरिषदेला कायमस्वरूपी मुख्याधिकारी नाही. प्रभारी अधिकाऱ्यांच्या भरोशावर कारभार सुरू आहे. त्यात नागरिकांच्या तक्रारीकडे केवळ दुर्लक्ष होत आहे. ही परिस्थिती सहनशीलतेच्या बाहेर गेली आहे," असं गावंडे दाम्पत्याचं म्हणणं आहे.
🚨 ही आंदोलनाची ठोस कारणं – प्रशासनच जबाबदार!
१. ✅ मुख्याधिकारी कायमस्वरूपी हवा – प्रभारीच्या नावावर मूळ कामं खोळंबली.
२. 🌑 कोट्यवधी निधी खर्चूनही महामार्गावर अंधार – रोषणाई गायब!
३. 🐂 मोकाट जनावरे मुक्तसंचारात – अपघातांची मालिका थांबेनाच.
४. 🧹 साफसफाई ठप्प – संसर्गजन्य रोगांनी डोके वर काढले.
५. 🚧 विकासकामात निविदा नियमांचा भंग – पारदर्शकतेचा अभाव.
६. 🌱 वृक्षारोपणात भ्रष्टाचार – झाडे जनावरांच्या पोटात.
७. 👨💼 प्रभारीच प्रभारी – नगरपरिषद कार्यालयात कामे रखडली.
या सर्व मागण्यांकडे ७ दिवसांत लक्ष न दिल्यास, गावंडे दाम्पत्य महात्मा गांधीजींच्या शांततेच्या मार्गावर चालत सत्याग्रह, उपोषणासारखं आंदोलन छेडणार आहे.
🛑 लोकप्रतिनिधी रस्त्यावर – प्रशासनासाठी धोक्याची घंटा!
नगरपरिषदेतील ढिसाळ कारभारामुळे आता माजी लोकप्रतिनिधीही थेट रस्त्यावर उतरत आहेत. ही बाब केवळ गंभीर नाही, तर प्रशासनाच्या "जबरदस्त" पायाखालची वाळू सरकण्यास पुरेशी आहे. आता तरी प्रशासन जागं होणार का, की हे आंदोलन शहराच्या असंतोषाचं वादळ घेऊन येणार?
✍️ वृत्तसंकलन : [सुधाकर चौधरी / वाशिम खबर आज महाराष्ट्राचे संपादक]
0 Comments