🇮🇳 "घरघर तिरंगा" अन् 🎗️ "राखी अभियान"साठी भाजपा वाशिमची जोशात तयारी!

जिल्हास्तरीय नियोजन बैठकीत उत्स्फूर्त सहभाग, राष्ट्रभक्तीला नवी उभारी

वाशिम, –
भारतीय जनता पक्ष वाशिम जिल्ह्याच्या वतीने "घराघर तिरंगा" व "राखी अभियान" या राष्ट्रीय स्तरावरील उपक्रमांची प्रभावी अंमलबजावणी करण्यासाठी जिल्हास्तरीय नियोजन बैठक अत्यंत जलद आणि संघटित पद्धतीने पार पडली. ही बैठक प्रदेशाध्यक्ष मा. रवींद्रजी चव्हाण यांच्या सूचनेनुसार, भाजपा जिल्हाध्यक्ष श्री. पुरुषोत्तमजी चितलांगे व वाशिम-मंगरूळनाथचे आमदार मा. श्यामभाऊ खोडे यांच्या मार्गदर्शनाखाली घेण्यात आली.

या बैठकीत जिल्ह्यातील सर्व मंडळ अध्यक्ष, जिल्हा कार्यकारिणीतील प्रमुख पदाधिकारी, विविध प्रकोष्ठांचे व मोर्च्यांचे अध्यक्ष, कार्यकर्ते मोठ्या संख्येने उपस्थित होते. संपूर्ण वातावरण राष्ट्रभक्तीने भारलेले होते.

घराघर तिरंगा – राष्ट्राभिमानाचा जागर!
स्वातंत्र्य दिनाच्या पार्श्वभूमीवर "घराघर तिरंगा" अभियानातून जनतेच्या मनामनात राष्ट्रध्वजाबद्दलचा अभिमान वृद्धिंगत करण्याचा संकल्प करण्यात आला. भाजप कार्यकर्त्यांनी यंदा प्रत्येक घरापर्यंत तिरंगा पोहोचवण्याचे उद्दिष्ट ठेवले असून, संपूर्ण जिल्हाभरात जनजागृती मोहीम राबवली जाणार आहे.

राखी अभियान – स्नेह, सुरक्षा व संस्कार यांची सांगड
"राखी अभियान" अंतर्गत, भगिनींनी पोलीस, सैन्य, शासकीय सेवक व विविध क्षेत्रातील सुरक्षादात्यांना राखी बांधून सन्मानित करण्याचा उपक्रम राबवायचा आहे. यामध्ये भाजपा महिला मोर्चा आणि युवती कार्यकर्त्यांचा उत्स्फूर्त सहभाग अपेक्षित असून, संस्कारांचं प्रतीक असलेलं हे अभियान समाजात आपुलकी आणि सुरक्षेची भावना निर्माण करेल.

भविष्यातील रणनीतीचे मार्गदर्शन
बैठकीत मार्गदर्शन करताना आमदार मा. श्यामभाऊ खोडे यांनी सांगितले की, “या दोन्ही उपक्रमांद्वारे आपल्याला फक्त कार्यक्रम नव्हे, तर जनतेच्या हृदयात राष्ट्रप्रेमाची ज्योत प्रज्वलित करायची आहे.”
भाजपा जिल्हाध्यक्ष पुरुषोत्तम चितलांगे यांनी प्रत्येक मंडळ स्तरावर प्रभावी समन्वयाने अभियान यशस्वी करण्याचे आवाहन केले.

उत्सव नाही, ही आहे चळवळ!
या बैठकीने भाजपाच्या कार्यकर्त्यांत एक नवचैतन्य निर्माण केले असून, घराघर तिरंगा आणि राखी अभियानाच्या निमित्ताने एकात्मता, राष्ट्रनिष्ठा व सामाजिक बंध यांचा जागर संपूर्ण जिल्हाभर दिसून येईल, असा विश्वास कार्यकर्त्यांनी व्यक्त केला.

---