माझ्या अर्धांगिनीचा गौरवदिन – प्रिय उज्वला

संघर्ष, समर्पण आणि साथ —  उज्वलाची प्रेरणादायी कहाणी

एका पत्रकाराचा प्रवास हा केवळ बातम्यांपुरता मर्यादित नसतो; तो समाजातील वेदना, अन्याय आणि आशेचा साक्षीदार असतो. या प्रवासात अनेकदा संकटं, ताणतणाव आणि अनिश्चितता येतात. परंतु या सर्व आव्हानांमध्ये जेव्हा कुटुंब खंबीरपणे पाठीशी उभं राहतं, तेव्हा त्या व्यक्तीची ताकद अनेकपटींनी वाढते.

आज वाढदिवसानिमित्त ज्यांचा गौरव केला जात आहे, ती म्हणजे  उज्वला — एका कुटुंबाची सून माझी अर्धांगिनी, पण त्याहूनही अधिक एका समाजाभिमुख विचारांच्या प्रवासाची शांत शक्ती.

पत्रकारितेच्या क्षेत्रात कार्य करताना अनेकदा कठीण प्रसंगांना सामोरं जावं लागलं. कधी एखाद्या अन्यायग्रस्त कुटुंबाला न्याय मिळवून देण्यासाठी धडपड, कधी एखाद्या गरजू व्यक्तीला मदतीचा हात देण्यासाठी पुढाकार. अशा वेळी घरातून एकच आवाज नेहमी ऐकू आला —
“भिऊ नको, आम्ही तुझ्या पाठीशी आहोत.”

आई-वडिलांचा आशीर्वाद, भावाची साथ आणि प्रियजनांचा विश्वास — या सगळ्यांनी या प्रवासाला बळ दिलं डॉक्टर काकांनीही अनेक प्रसंगी मार्गदर्शन करत मानसिक आधार दिला. ही केवळ नाती नव्हती; हा विश्वासाचा आणि एकोप्याचा मजबूत किल्ला होता.

या सगळ्या आधारामध्ये मध्यवर्ती स्थान होतं ते उज्वलाचं.
तिने कधीच अडथळा निर्माण केला नाही; उलट प्रत्येक सामाजिक उपक्रमात, प्रत्येक मदतीच्या निर्णयात ती ठामपणे सोबत उभी राहिली. घरातील जबाबदाऱ्या समर्थपणे सांभाळत तिने कधीही कर्तव्यापासून पळ काढला नाही.

आई-वडिलांसाठी ती मुलगी ठरली,
भावासाठी समजूतदार वहिनी  ठरली,
आणि माझ्यासाठी आत्मविश्वासाचा आधारस्तं ठरली

घर हे फक्त वास्तू नसतं; ते प्रेम, विश्वास आणि परस्पर सन्मानाने उभं राहतं. उज्वलाने या घराला केवळ आकार दिला नाही, तर त्याला संस्कारांची ओळख दिली.

आज तिच्या वाढदिवसानिमित्त हा विशेष उल्लेख केवळ शुभेच्छांचा नाही, तर तिच्या योगदानाचा सन्मान आहे.

समाजात काम करणाऱ्या प्रत्येक व्यक्तीच्या मागे अशीच एक निःशब्द शक्ती असते. उज्वला त्या शक्तीचं जिवंत उदाहरण आहे. तिच्या संयमाने, तिच्या निःस्वार्थ प्रेमाने आणि कुटुंबाच्या पाठिंब्याने हा प्रवास शक्य झाला.

ही कहाणी केवळ एका स्त्रीची नाही;
ही कहाणी आहे कुटुंबाच्या एकोप्याची,
विश्वासाच्या सामर्थ्याची,
आणि “आपण एकत्र आहोत” या भावनेची.

आजचा दिवस हा केवळ  व्यक्तीचा वाढदिवस नाही;
आजचा दिवस त्या स्त्रीचा उत्सव आहे
जिने एका घराला कुटुंब बनवलं,
आणि कुटुंबाला प्रेमाची ओळख दिली.

उज्वला…
तुझं नाव जसं प्रकाश देणारं, तसंच तुझं अस्तित्व आमच्या आयुष्यात उजेड पसरवणारं आहे.

ज्या आई-बाबांनी तुला जन्म दिला,
संस्कारांची श्रीमंती दिली,
सहनशीलतेची ताकद आणि मायेचं विशाल मन दिलं —
त्यांच्या त्या संस्कारांचा सुवास आज आमच्या घरात दरवळतो आहे.

माझ्या आई-बाबांसाठी तू फक्त सून नाहीस,
तर त्यांच्या आयुष्याची आधारवड आहेस.
त्यांच्या शब्दांतला अभिमान,
त्यांच्या चेहऱ्यावरचं समाधान
हे तुझ्या सेवाभावाचं आणि प्रेमाचं जिवंत उदाहरण आहे.

माझ्या भावासाठी तू केवळ वहिनी नाहीस,
तर मार्गदर्शक, समजूतदार सखी आणि घरातील एक मजबूत आधार आहेस.
तुझ्या शांत स्वभावाने आणि संयमाने
घरात नेहमी ऐक्य, प्रेम आणि आदर जपलस.

पत्नी म्हणून तू माझ्या आयुष्यात आलीस,
पण तुझ्या सहवासाने मला
जबाबदारीची जाणीव, कुटुंबाची किंमत
आणि प्रेमाची खरी व्याख्या शिकवलीस.

जेव्हा आयुष्यात संघर्षाचे दिवस आले,
स्वप्नं अपुरी वाटू लागली,
तेव्हा तुझ्या एका शब्दाने मला पुन्हा उभं राहण्याची ताकद दिली.
तू कधी स्वतःच्या वेदना सांगितल्या नाहीस,
पण माझ्या प्रत्येक दुःखाला स्वतःचं मानून सांभाळलंस.

घर म्हणजे चार भिंती नाहीत,
घर म्हणजे एकमेकांवरचा विश्वास, त्याग आणि प्रेम.
हे घर तू उभं केलंस —
तुझ्या संयमाने,  आणि तुझ्या निस्वार्थ प्रेमाने.

आज तुझ्या वाढदिवशी
मी फक्त शुभेच्छा देत नाही,
तर तुझ्या अस्तित्वाला मानाचा मुजरा करतो.

तू आहेस म्हणून हे घर आहे,
तू आहेस म्हणून हे नातं आहे,
तू आहेस म्हणून माझं आयुष्य अर्थपूर्ण आहे.

देवाकडे आज एकच प्रार्थना —
तुझ्या पावलांवर यशाची फुलं पसरू देत,
तुझ्या आयुष्यात आनंदाचा सूर्य नेहमी तळपू देत.
तुझ्या डोळ्यांत अश्रू आलेच तर
ते फक्त समाधानाचे आणि अभिमानाचे असोत.

प्रिय उज्वला  वाढदिवसानिमित्त मनःपूर्वक शुभेच्छा देताना,
 आयुष्यात आनंद, आरोग्य आणि यशाची अखंड भरभराट होवो —
हीच सर्वांच्या वतीने सदिच्छा.

🌹 प्रेरणादायी ओळी 🌹

स्त्री ही केवळ घराची शोभा नसते,
ती घराची शक्ती असते.
ती केवळ नातं जपत नाही,
तर संपूर्ण कुटुंब घडवत असते.

आणि माझ्या आयुष्यात
ही शक्ती, ही प्रेरणा, हे प्रेम
 उज्वला या नावाने नांदत आहे.

💖 वाढदिवसाच्या अनंत शुभेच्छा,
माझ्या अर्धांगिनी, माझ्या जीवनसंगिनी,
माझ्या कुटुंबाचा अभिमान —  उज्वला! 💖

आज तिच्या वाढदिवशी,

मी संपादक म्हणून नव्हे,

तर एक कृतज्ञ पती म्हणून म्हणू इच्छितो आणि इथे माझ्या शब्दांना पूर्णविराम देतो