मंगरुळनाथ ते पिंजर बससेवा त्वरीत सुरु करामहाराष्ट्र नवनिर्माण वाहतुक सेनेचे आगारप्रमुखांना निवेदन

वाशिम - कोविड काळापासून मंगरुळनाथ ते पिंजर ही बंद पडलेली बससेवा त्वरीत सुरु करुन विद्यार्थ्यांसह सर्वसामान्य प्रवाशांना दिलासा देण्याच्या मागणीसाठी महाराष्ट्र नवनिर्माण वाहतुक सेनेचे जिल्हाध्यक्ष गजानन वैरागडे यांनी मनसे जिल्हाध्यक्ष राजु किडसे यांच्या मार्गदर्शनात २४ जुन रोजी मंगरुळनाथ आगार प्रमुखांना निवेदन दिले.
    निवेदनात नमूद आहे की, कोविड काळात बंद पडलेली बससेवा आता पुर्ववत सुरु झाली आहे. तसेच जिल्हयातील अनेक भागात एस.टी. बससेवा सुरु करण्यात आल्या आहे. त्यामुळे जनतेला मोठा दिलासा मिळाला असून खाजगी वाहनधारकांची लुट थांबली आहे. असे असले तरी मंगरुळनाथ ते पिंजर बससेवा अद्यापही सुरु नसल्यामुळे प्रवाशांचे मोठे हात होत आहेत. पिंजर येथील अनेक लोकांना मंगरुळनाथ बाजारपेठेसाठी जावे लागते. अशातच  या मार्गावरुन बससेवा बंद असल्यामुळे त्यांना खाजगी वाहनाने जावे लागते. या परिस्थितीचा लाभ घेवून खाजगी वाहनचालक प्रवाशांची लुट करत आहेत. तसेच मर्यादेपेक्षा जास्त लोक खाजगी वाहनांमध्ये नेत असल्यामुळे अपघाताची शक्यता नाकारता येत नाही. तसेच बससेवा बंद असल्यामुळे एसटीचा मोठा महसुल बुडत आहे. ही बाब लक्षात घेवुन मंगरुळनाथ ते पिंजर बससेवा त्वरीत सुरु

करुन जनतेला व विद्यार्थ्यांना दिलासा द्यावा. मागणीवर विचार न झाल्यास मनसे वाहतुक सेनेला आंदोलन छेडावे लागेल असा इशाराही निवेदनाव्दारे देण्यात आला आहे. निवेदन देतांना मनसे जिल्हाध्यक्ष राजु किडसे, जिल्हा उपाध्यक्ष अमोल लुलेकर, तालुकाध्यक्ष मनोज खडसे, मानोरा शहराध्यक्ष महादेव भस्मे, वाहतुक सेना तालुका उपाध्यक्ष आकाश खाडसे, मनसे विद्यार्थी सेना जिल्हाध्यक्ष नितीन शिवलकर, तालुकाध्यक्ष लक्ष्मण जाधव, इशांत देशमुख, केतन जागृत, शेतकरी सेना जिल्हाध्यक्ष विठ्ठल राठोड, कपिल महाजन, अरुण बिकट, जतीन सोनुने आदी पदाधिकारी व मनसे सैनिक उपस्थित होते.