यवतमाळ - राज्यात शिवसेनेचे दोन गट निर्माण झाले आहेत. यात मुख्यमंत्री एकनाथ शिंदे यांच्या गटात जाणाऱ्यांची संख्या दिवसेंदिवस वाढत आहे. अशातच शिवसेना खासदार भावना गवळी यांचे समर्थक आज शिंदे गटात गेले. त्यामुळे शिवसेनेला हा मोठा धक्का समजला जात आहे.
एकनाथ शिंदे गटाचे निरीक्षक राजेंद्र फाटक यांच्या नेतृत्त्वाखाली खासदार गवळी यांचे समर्थक शिवसेनेत आज दाखल झाले. संजय राठोड यांच्या समर्थकांनी काल शिवसेनेला समर्थक पत्र दिले होते. मात्र गवळी समर्थकांनी आपली भूमिका आज स्पष्ट केली.
यवतमाळ, बाभूळगावचे नगरसेवक, यवतमाळ जिल्ह्यातील गवळी समर्थक कार्यकर्ते, शिवसेना कार्यकर्ते विश्रामभवन येथे एकत्रित आले. त्यांनी खासदार भावना गवळींवरील कारवाईवरून शिवसेनेला दोषी ठरवत शिंदे गटात प्रवेश केला. समर्थन पत्र लिहून देऊन ते अधिकृत रित्या शिंदे गटात प्रवेश करत आहेत.
संजय राठोड, भावना गवळी यांसारख्या नेत्यांचे समर्थक शिंदे गटात जाऊ लागल्याने यवतमाळ ते वाशिम हा भाग शिंदे गटाच्या वर्चस्वाखाली येऊ लागला आहे. दोन दिवसांपूर्वीच यवतमाळ जिल्ह्यातील शिवसेनेत नवीन पदाधिकारी नियुक्त्या झाल्या होत्या. त्यामुळे आता शिवसेना प्रमुख उद्धव ठाकरे यांच्या समोर मोठे आव्हान उभे राहिले आहे.
0 Comments