जनुना खुर्द येथे श्री दत्त षोडषोपचार पुजा व अन्नदान संपन्न !

  कारंजा : येथून जवळच असलेल्या चौसाळा जवळच्या, जनुना खुर्द गावी दत्तमार्गी चौधरी परिवारातील, दिवंगत ज्येष्ठ बंधु स्व. प्रा. दिगंबर केशवराव चौधरी यांच्या द्वितीय पुण्यस्मरणानिमित्त, सोमवार, दि.१२

 डिसेंबर रोजी संपूर्ण रात्रभर श्री गुरुदत्ताची षोडषोपचार पूजा आणि श्री गुरुदेव सेवा मंडळ जनुना खुर्द कडून, श्री गुरुदेव वंदना, गुरुदेवाची सामुहिक प्रार्थना व भजनाचा कार्यक्रम पार पडला. तर दुसरे दिवशी, समाधी अभिषेक, पूजन व जिल्हा परिषद सदस्य उमेश पाटील ठाकरे यांच्या उपस्थितीत, यजमानांचा शेला टोपी नारळ देऊन सत्कार समारंभ व अन्नदानाचा कार्यक्रम पार पडला. यावेळी प्रामुख्याने, गुरुदेव सेवा मंडळ गुरुकुंज मोझरीचे प्रचारक प्रबोधनकार संजय कडोळे, पत्रकार दामोदर जोंधळेकर यांचा लोमेश पाटील चौधरी, कांचन पाटील चौधरी यांनी सत्कार केला कार्यक्रमाच्या यशस्विते करीता आयोजक दिलीप चौधरी, कल्पना चौधरी, बसवण्णा चौधरी, लोमेश चौधरी, कांचन चौधरी, ताराचंद चौधरी, किशोर चौधरी दुष्यंत चौधरी, राजू सवाई, श्याम महल्ले, प्रदिप मिसाळ, विजय ठाकरे, प्रदिप माहूरे आदींनी अथक परिश्रम घेतले.