शेलुबाजार वार्ता – नुकत्याच जाहीर झालेल्या एस.एस.सी. निकालात एस. आर. कॉन्व्हेंट स्कूल, शेलुबाजारच्या विद्यार्थ्यांनी उत्कृष्ट कामगिरी केली आहे. अनेक विद्यार्थ्यांनी उच्च गुण प्राप्त करून आपल्या आई-वडिलांचे, शिक्षकांचे व शाळेचे नाव उज्ज्वल केले.
या यशात विद्यार्थ्यांच्या मेहनतीसोबतच पालक, शिक्षकवृंद, तसेच संस्थेचे अध्यक्ष व सचिव यांचे मार्गदर्शन महत्त्वाचे ठरले आहे.
या परीक्षेत कु. राणी किशोर टोंचर हिने 95.80% गुण मिळवून शाळेत अव्वल क्रमांक पटकावला, तर कु. श्रुती रामदास मुखमाले हिने 92.80% गुण मिळवले.
शाळेच्या वतीने सर्व उत्तीर्ण विद्यार्थ्यांना पुष्पगुच्छ देऊन सन्मानित करण्यात आले. तसेच पुढील शैक्षणिक वाटचालीसाठी शुभेच्छा देण्यात आल्या.
या सन्मानामुळे विद्यार्थ्यांसह पालकांनीही आनंद व्यक्त केला असून, शाळेतील यशाचे वातावरण साजरे करण्यात आले.
0 Comments