“हर पात्र मतदाराचा अधिकार सुरक्षित राहिल्याशिवाय लोकशाही मजबूत होणार नाही” — कल्पनाताई इनामदार
सिधौली, उत्तर प्रदेश : भारताच्या निवडणूक प्रक्रियेत सुरू असलेल्या विशेष सखोल मतदार यादी पुनरिक्षण (SIR) प्रक्रियेच्या पार्श्वभूमीवर पात्र मतदारांचे हक्क, मतदार यादीतील पारदर्शकता आणि निवडणूक प्रक्रियेतील उत्तरदायित्वाच्या मागणीसाठी राष्ट्रीय लोक आंदोलन न्यासच्या कार्याध्यक्ष कल्पनाताई इनामदार यांनी उत्तर प्रदेशातील सिधौली ब्लॉक परिसरात तीन दिवसीय उपवास सत्याग्रहाला सुरुवात केली आहे. निवडणूक आयोगाच्या अधिकृत पोर्टलवर SIR-2026 संदर्भातील मतदार यादी, नाव शोध आणि संबंधित सेवा उपलब्ध करण्यात आल्या आहेत.
“संविधान सर्वोपरि — मनमाना निर्णय स्वीकारणार नाही” असा स्पष्ट संदेश देत हा सत्याग्रह करण्यात येत आहे. प्रत्येक पात्र नागरिकाचे नाव मतदार यादीत कायम राहावे, मतदार यादी तयार करण्याची प्रक्रिया पारदर्शक असावी आणि कोणत्याही पात्र मतदाराच्या मतदानाच्या अधिकारावर गदा येऊ नये, या प्रमुख मुद्द्यांवर कल्पनाताई इनामदार यांनी आवाज उठविला आहे.
सिधौली-मिश्रिख मार्गावरील गोपालपुर पूर्वी परिसरात या उपवास सत्याग्रहाचे आयोजन करण्यात आल्याची माहिती स्थानिक वृत्तांतातूनही समोर आली आहे.
मतदार अधिकारासाठी संघर्षाचा निर्धार
कल्पनाताई इनामदार म्हणाल्या की, “मतदाराचा अधिकार सुरक्षित राहील, तभी लोकतंत्र मजबूत रहेगा. हर पात्र मतदाराचा अधिकार ही आपली लोकशाही जबाबदारी आहे.” मतदार प्रक्रिया ही केवळ प्रशासकीय बाब नसून लोकशाहीतील नागरिकाच्या मूलभूत सहभागाशी संबंधित असल्याचे त्यांनी नमूद केले.
या आंदोलनाच्या आयोजनासाठी आणि सहकार्यासाठी त्यांचे छोटे बंधू शेखर दीक्षित यांचे त्यांनी मनःपूर्वक आभार मानले. सत्याग्रहस्थळी कार्यकर्त्यांची उपस्थिती असून, मतदारांच्या अधिकाराच्या प्रश्नावर जनजागृती करण्याचा निर्धार व्यक्त करण्यात आला.
“मतदाराचा आवाज दबता कामा नये”
SIR प्रक्रियेबाबत देशातील विविध भागांतून आंदोलने आणि प्रश्न उपस्थित होत असताना सिधौलीतील या उपवास सत्याग्रहामुळे स्थानिक पातळीवरही मतदार यादी आणि निवडणूक प्रक्रियेबाबत चर्चा सुरू झाली आहे.
राष्ट्रीय लोक आंदोलन न्यासच्या कार्याध्यक्ष कल्पनाताई इनामदार यांच्या नेतृत्वाखाली सुरू झालेला हा तीन दिवसीय उपवास सत्याग्रह पुढील काळात कोणते वळण घेतो, याकडे आता प्रशासन आणि नागरिकांचे लक्ष लागले आहे.
**“मतदाराचा हक्क अबाधित ठेवा; लोकशाहीचा पाया मजबूत करा!”**
0 Comments