राष्ट्रीय सेवा योजनेच्या माध्यमातून प्लास्टिक निर्मूलन मोहीम

सुधाकर शेषराव चौधरी, मुख्य संपादक- वाशिम खबर आवाज महाराष्ट्राचा. October 29, 2022

विद्यार्थी रस्त्यावर उतरून प्लास्टिक न वापरण्याचे केले आवाहन

केंद्र सरकार द्वारे चालवण्यात येणाऱ्या स्वच्छ भारत अभियानांतर्गत संत गाडगेबाबा अमरावती विद्यापीठ अमरावती यशवंतराव चव्हाण कला व विज्ञान महाविद्यालय मंगरूळपीर वसंतराव नाईक महाविद्यालय मंगरूळपीर श्रीमती साळुंखे राऊत महाविद्यालय वनोजा आणि नगरपरिषद मंगरूळपीर यांच्या संयुक्त विद्यमाने आज दिनांक 29 ऑक्टोबर 2022 रोजी संत गाडगेबाबा अमरावती विद्यापीठ अमरावती राष्ट्रीय सेवा योजनेचे संचालक डॉ राजेश बुरंगे यांच्या मार्गदर्शनाखाली

मंगरूळपीर शहरातून राष्ट्रीय सेवा योजनेच्या विद्यार्थ्यांनी रॅली काढून परिसरातील प्लास्टिकचा कचरा गोळा करून नगर परिषदेच्या घंटागाडी मध्ये टाकण्यात आला या प्लास्टिकचे योग्य निर्मूलन व्हावे आणि नागरिकांनी प्लास्टिकचा वापर न करता कापडी पिशव्यांचा वापर करावा तसेच प्लास्टिक कचरा रस्त्यावरून फेकून पर्यावरण दूषित केल्यापेक्षा या प्लास्टिक चे योग्य नियोजन करून त्याचे योग्य पद्धतीने विल्हेवाट लावण्याचे आवाहन यावेळी विद्यार्थ्यांच्या मार्फत नागरिकांना करण्यात आले तसेच प्लास्टिक निर्मूलनाविषयी लोकांमध्ये जनजागृती केली याप्रसंगी राष्ट्रीय सेवा योजनेचे संचालक डॉ राजेश बुरंगे क्षत्रिय समन्वयक डॉक्टर संजीव इंगळे राष्ट्रीय सेवा योजनेचे कार्यक्रम अधिकारी डॉक्टर चंद्रकांत उल्हे प्राध्यापक बापूरावजी डोंगरे तसेच प्राध्यापक तायडे नगरपरिषदेचे मुख्याधिकारी आणि कर्मचारी त्यांनी सहकार्य करून ही रॅली यशस्वी केली