🔴 पिण्याच्या पाण्यासाठी नागरीकांची तगमग – नगरपरिषदेचा ठणाणा प्रशासन झोपेतच!

🌼 मंगरूळपीर, ता. ४ जुलै (प्रतिनिधी)
मंगरूळपीर शहरात गेल्या अनेक दिवसांपासून दूषित व अपुर्‍या पाणीपुरवठ्यामुळे नागरीक त्रस्त झाले असून, शहरात साथीचे आजार डोके वर काढण्याच्या मार्गावर आहेत. याकडे लक्ष वेधत भारतीय जनता पक्षाचे पदाधिकारी सतीशभाऊ हिवरकर यांनी ठणकावून सांगितले की, स्वच्छ आणि निर्जंतुकीत पाणी हे नागरिकांचे मूलभूत हक्क आहे.

"माननीय वाशिम जिल्हाधिकारी मॅडम, नगरपरिषदेचे मुख्याधिकारी व अभियंता जाधव यांनी तात्काळ लक्ष देऊन स्वच्छ पाण्याचा पुरवठा सुरळीत करावा," अशी मागणी हिवरकर यांनी जोरदारपणे केली आहे. अन्यथा रोगराईचा भडका उडू शकतो आणि त्याचे दायित्व प्रशासनावरच राहील, असा इशारा त्यांनी दिला आहे.

📌 नागरिकांनीही नगरपरिषदेच्या कारभाराबाबत रोष व्यक्त करत म्हटले की,

“आम्हाला रोजच्या गरजेपुरते सुद्धा पाणी मिळत नाही, मिळतं ते इतकं घाणेरडं की त्यातून वास येतो... प्रशासनाला वाटतंय का आम्ही माणूस नाही?”

स्वतः नगरपरिषदेच्या पाण्यामुळे अनेकांना पोटाचे विकार, त्वचाविकार होत असल्याचे निदर्शनास आले असून, आरोग्य विभाग मात्र अद्याप झोपेत आहे का, असा सवाल नागरिक करत आहेत.

💥 नगरपरिषदेची झोपमोड करणारी ही मागणी आता जिल्हाधिकारी कार्यालयापर्यंत पोहोचल्याने पुढील हालचालींकडे संपूर्ण मंगरूळपीरचे लक्ष लागले आहे.

---